Ekki fyrsta 2020 áætlunin

Ríkisstjórnin kynnti í dag til sögunnar sóknaráætlunina 2020, sem er ætlað að mynda heildstæða tillögu um framtíðarsýn í stefnumótun fyrir atvinnu-, mennta- og efnahagsmál. Malasísk yfirvöld notuðu sama nafn yfir sóknaráætlun sem lögð var fram árið 1991.

Fyrrverandi forsætisráðherra Malasíu, Mahathir bin Mohamad setti fram sóknaráætlun þar í landi fyrir 20 árum síðan sem nefndist Wawasan 2020, eða „Sýn fyrir 2020.“ Þeirri áætlunin var ætlað að gera Malasíu að sjálfbæru iðnríki árið 2020. Áætlunin laut að hagsæld, samfélagslegri velferð, menntamálum, pólitískum stöðugleika og andlegri heilsu. Til að ná fram þessum markmiðum sagði forsætisráðherrann að hagvöxtur þyrfti að vera 7% að raungildi á ári hverju og 30 ára tímabilinu fram til ársins 2020. 

Mathathir bin Mohamad hætti afskiptum af stjórnmálum árið 2003 eftir áratugalangan feril í stjórnmálum. 

• 3 blogg um fréttina

Bloggað um fréttina

• Haraldur Haraldsson: Ekki fyrsta 2020 áætlunin/nei ekki þessi sem Dagur B. og …
• Óskar Guðmundsson: Líkurnar á því...?
• Sigurður Jónsson: Skýrslur,áætlanir og nefndir eru ær og kýr vinstri manna,en ekkert …