Sjónarmiðum verði komið á framfæri
Setja bókamerki
Össur Skarphéðinsson, utanríkisráðherra, segir að ráðuneytið muni koma ákveðnum sjónarmiðum á framfæri við bandarísku utanríkisþjónustuna mjög fljótlega. Það verði gert með milligöngu sendiherra Bandaríkjanna.
„Ég hélt fund um þetta mál í gær í ráðuneytinu með ráðuneytisstjóranum og þjóðréttarfræðingi okkar meðal annars til þess að kanna stöðu þingmannsins í þessu máli. Við ræddum auðvitað með hvaða hætti við myndum koma okkar sjónarmiðum á framfæri en ekki síður með hvaða hætti við gætum tryggt það sem ég vil kalla ferðafrelsi hennar sem fulltrúa á löggjafarsamkundunni. Hún þarf að geta ferðast áreitislaust til Bandaríkjanna sem þingmaður,“ segir Össur í samtali við mbl.is.
Össur kveðst ætla að bjóða Birgittu að eiga fund með ráðuneytisstjóra og öðrum starfsmönnum ráðuneytisins til að skýra hennar stöðu og hugsanlegar áhættur sem eru fólgnar í ferðalögum hennar. „Hún virðist gera sér grein fyrir [áhættunum] en ég vil samt að við skýrum það út fyrir henni - bara svo það sé ljóst - að þetta er nokkuð alvarlegt mál,“ segir ráðherrann.
Össur gerir ekki ráð fyrir því að hann muni eiga fund með sendiherra Bandaríkjanna sjálfur. Líklegast komi það í hlut ráðuneytisstjóra. Tímasetning fundarins hefur ekki verið ákveðin enn, en Össur reiknar með því að hann verði mjög fljótlega.
Virknin dregist saman um 600 metra
Spara stórfé með olíukaupum ytra
Drónamyndskeið frá hápunkti gossins í nótt
Myndir: Grindavíkurvegur aftur undir hraun
Hraunið við bílastæði Bláa lónsins