Tillaga um vinnustöðvun samþykkt

Samninganefnd Afls - starfsgreinafélags á Austurlandi samþykkti á fundi sínum í kvöld tillögu um vinnustöðvun í fiskimjölsverksmiðjum. Tillagan kom frá samninganefnd starfsmanna í fiskimjölsverksmiðjum á Austurlandi og í Vestmannaeyjum og samninganefnd Drífanda í Eyjum tekur hana fyrir á morgun.

Sverrir Mar Albertsson, framkvæmdastjóri Afls, segir ekki hægt að greina frá efni tillögunnar fyrr en hún hafi verið afgreidd í Vestmannaeyjum.

Samninganefnd Afls samþykkti jafnframt heimild til formanns félagsins um að draga samningsumboð félagsins til baka frá Starfsgreinasambandinu ef þörf er á vegna deilu bræðslumanna.

• 1 blogg um fréttina

Bloggað um fréttina

• Haraldur Haraldsson: Tillaga um verkfall samþykkt/þetta munum við sjá víða á næstu …