Varað við ótryggum snjóalögum

Veðurstofa Íslands hefur beint þeim tilmælum til skíðamanna, vélsleðafólks og annarra að vera ekki á ferð á snjóflóðastöðum á Norðurlandi, halda sig frá snjóflóðabrekkum og vera ekki á ferð þar sem snjóflóð geta fallið.     

Fram kemur í tilkynningu frá almannavarnadeild ríkislögreglustjóra, að viðvörunin sé send út vegna mikillar snjósöfnunar í allhvassri norðaustan átt síðustu daga, ótryggra snjóalaga og nokkurra snjóflóða sem fallið hafa á Norðurlandi.

Einnig er vegfarendum bent á að stöðva ekki farartæki sín á vegarköflum þar sem hætta getur verið á ofanflóðum.   Almannavarnadeild ríkislögreglustjóra hvetur alla til þess að virða þessi tilmæli og fylgjast með fréttum af veðri og færð. 

• 1 blogg um fréttina

Bloggað um fréttina

• Sigurður Haraldsson: Nákvæmlega!