Lög um upplýsingaskyldu að mestu uppfyllt

Samkvæmt skýrslu ríkja gegn spillingu, hefur gengið afar vel hér á landi að uppfylla lög um upplýsingaskyldu um fjármál stjórnmálasamtaka og frambjóðenda þeirra.

Skýrslan er unnin á vegum  GRECO, sem eru samtök ríkja gegn spillingu. Þar er m.a. er fjallað um gagnsæi fjárframlaga til stjórnmálaflokka hér á landi og um frammistöðu íslenskra stjórnvalda við innleiðingu níu tilmæla um úrbætur sem samtökin hafa beint til íslenskra stjórnvalda á því sviði.

Það er niðurstaða GRECO að íslensk stjórnvöld hafi nú innleitt átta tilmæli af níu með fullnægjandi hætti auk þess sem ein tilmælin teljast uppfyllt að hluta.

Ísland hefur í öllum meginatriðum uppfyllt kröfur ráðherranefndar Evrópuráðsins eins og þær eru settar fram í tilmælum nr. (2003)4 um sameiginlegar reglur gegn spillingu í fjármögnun stjórnmálaflokka og kosningabaráttu. Hefur Ísland þar með jafnframt skipað sér í fremstu röð meðal þjóða heims á þessu sviði.

• 1 blogg um fréttina

Bloggað um fréttina

• Guðmundur Ásgeirsson: Fjármál stjórnmálasamtaka