Víða hálka á vegum

Á Suðurlandi eru hálkublettir á Sandskeiði og á leiðinni frá Selfossi og austur að Markarfljóti. Á Vesturlandi er víða nokkur hálka en snjóþekja eða krap á fáeinum vegum. Það er snjóþekja, krap eða hálka á flestum vegum á Vestfjörðum. Þæfingsfærð  og skafrenningur eru á Þröskuldum og Steingrímsfjarðarheiði.

Á Norðurlandi er hálka á flestum leiðum en þæfingsfærð er fyrir Vatnsnes. Éljagagnur er í Ljósavatsskarði og á Hófaskarðsleið. Hálka er á flestum vegum á Austurlandi en þæfingur er á Vopnafjarðarheiði og Vatnsskarð eystra ófært. Vegir á Suðausturlandi eru hins vegar auðir.

Mjög víða á láglendi hafa vegir náð að blotna  og vindur á landinu verður hægur áfram.  Staðbundið mun létta til og þá frystir við veg með kvöldinu og varasöm ísing getur myndast.  Einkum á þetta við á vegum norðanlands og sums staðar á Vesturlandi, en  einnig á höfuðborgarsvæðinu, Suðurnesjum og fyrir austan fjall.

Nauðsynlegt er að vegfarendur hafi í huga að víða er ekki mokstur, eða önnur þjónusta á vegum, á kvöldin og nóttunni. Raunar eru sumir vegir ekki í þjónustu nema fáa daga í viku. Upplýsingar um þjónustutíma eru á vef Vegagerðarinnar og í síma 1777.

• 1 blogg um fréttina

Bloggað um fréttina

• Guðrún María Óskarsdóttir.: Akstursskilyrði á veturna.