Alvarleg líkamsárás í Kópavogi

Alvarleg líkamsárás var framin við skemmtistaðinn Players í Kópavogi um klukkan þrjú í nótt.  Karlmaður var laminn og þegar hann féll í götuna var farið að sparka í höfuð hanns.  Maðurinn er nú á gjörgæsludeild Landspítalans með alvarlega höfuðáverka og er í lífshættu, að sögn lögreglunnar.

Einn er í haldi vegna málsins og verður hann yfirheyrður síðar í dag, samkvæmt tilkynningu lögreglunnar.
 
Í gærkvöld handtók lögreglan mann sem hafði brotist inn í íbúðarhús í Austurborginni en nágranni hafi gert lögreglu viðvart um grunsamlegar mannaferðir í húsinu.  Lögreglan lagði  hald á muni sem fundust í fórum þess sem var handtekinn og eru taldir vera þýfi.
 
Tveimur skemmtistöðum var lokað í nótt í miðborginni þar sem fjöldi gesta var langt umfram það sem þeir hafa samkvæmt útgefnum leyfum. 
 
Innbrot var svo framið laust fyrir klukkan 06:30 í morgun í austurborginni. Húsráðandi vaknaði við mannaferðir í íbúðinni.  Þegar hann fór að athuga hverskyns væri var þjófurinn í óða önn að taka til muni sem hann hugðist eflaust taka á brott með sér.  Húsráðandinn kallaði lögreglu til og lét fjarlægj þjófinn af heimilinu.  Þjófurinn verður yfirheyrður í dag vegna málsins.

• 2 blogg um fréttina

Bloggað um fréttina

• Ómar Ragnarsson: Nýtt og háskalegt ástand.
• Sóldís Fjóla Karlsdóttir: Players.....