Ekið á hreindýr á hringvegi

Ekið var á hreindýr um klukkan níu í morgun á hringveginum, til móts við Háreksstaði, á svonefndri Háreksstaðaleið.

Að sögn lögreglunnar á Egilsstöðum urðu engin slys á fólki, en hreindýrið drapst. Bíllinn, sem er jeppi, skemmdist töluvert.

Mikil hálka mun vera á svæðinu, þarna er nú nokkuð af hreindýrum og beinir lögregla þeim tilmælum til vegfarenda að fara með gát.

• 1 blogg um fréttina

Bloggað um fréttina

• Óskar Guðmundsson: Ertu með hrein-dýr