Mótmælendum hefur fjölgað

Fjölgað hefur í hópi mótmælenda á Austurvelli, og eru þeir sem berja á tunnur og búsáhöld fyrir utan Alþingi nú á þriðja hundrað talsins. Lögreglan á höfuðborgarsvæðinu segir að þrátt fyrir aukinn fjölda hafi allt farið vel fram.

Um klukkan fjögur voru mótmælendur á Austurvelli tæplega 30 talsins, en þeim fjölgaði talsvert á fimmta tímanum. Segir lögregla að þeim hafi heldur lítið fjölgað síðasta hálftímann.

Lögreglan girti þinghúsið af fyrr í dag. Var það gert til að tryggja öryggi almennings og vinnufrið lögreglu, sem er á vettvangi.

Fyrsti þingfundur ársins hófst kl. 15 í dag.

• 1 blogg um fréttina

Bloggað um fréttina

• Sigurður Haraldsson: Tunnurnar!