Örtröð á bensínstöðvum

Nokkrar sjálfsafgreiðslustöðvar veita fjórtán króna afslátt af eldsneyti í dag og er algengt verð á bensínlítranum tæpar 200 krónur fyrir þá sem eru með afsláttarlykla fyrirtækjanna.

Margir hafa gripið tækifærið og dælt á bíla sína. Frá Atlantsolíu fengust þær upplýsingar að mikil örtröð hefði verið í allan dag á öllum bensínstöðvum fyrirtækisins, sem eru 17 talsins.

 Einar Örn Ólafsson, forstjóri Skeljungs, sem rekur Orkuna, segir að salan í dag hafi verið gríðarlega mikil og biðraðir hafi verið á flestum stöðvum Orkunnar síðan á hádegi.

„Þetta hefur verið skemmtilegur dagur og brjálað að gera,“ sagði Sigurður K. Pálsson, markaðsstjóri ÓB í samtali við mbl.is. Hann sagði að biðraðir hefðu myndast á nokkrum bensínstöðvum ÓB og að margir hefðu notað tækifærið og fengið sér ÓB-lykla.

• 1 blogg um fréttina

Bloggað um fréttina

• Benedikt V. Warén: Hræsni?