Afstaða til ESB-aðildar óbreytt

Steingrímur J. Sigfússon, fjármálaráðherra, sagði á Alþingi í dag að afstaða hans til aðildar að Evrópusambandsins væri óbreytt. „Ef eitthvað er hef ég á margan hátt sannfærst enn betur um að fleira mæli með því að það þjóni ekki okkar hagsmunum að ganga í Evrópusambandið," sagði Steingrímur.

Hann sagði, að gjaldmiðill Íslendinga og hagstjórnartæki væru að gagnast þjóðinni vel til að vinna sig út úr kreppunni.

Steingrímur lét þessi ummæli falla í fyrirspurnartíma á Alþingi þegar Gunnar Bragi Sveinsson, þingmaður Framsóknarflokks, spurði hann um ESB-viðræðurnar.

Steingrímur sagði að VG líti á viðræðurnar sem umsóknarferli og flokkurinn styddi það ekki að um sé að ræða aðlögun fyrirfram áður en niðurstaða fáist af hálfu þjóðarinnar. Hins vegar þurfi að liggja fyrir áætlanir um það hvernig slík aðlögun fari fram ef aðild verður samþykkt í þjóðaratkvæðagreiðslu.

• 5 blogg um fréttina

Bloggað um fréttina

• Sigurður Jónsson: Steingrímur J. segist vera á móti ESB og Evrunni, en …
• Kristinn Snævar Jónsson: Tal í gátum utan taflborðs hins bandalagavædda heims
• Jóhann Elíasson: EN SAMT SEM ÁÐUR STUDDI GUNNARSSTAÐA-MÓRI ESB UMSÓKNINA...
• Páll Vilhjálmsson: Talað tungum tveim og sitt með hvorri
• Haraldur Haraldsson: Afstaða til ESB-aðildar óbreytt/fátt er svo með öllu ýlt að …