Gufan verður Fontana

Nýr baðstaður sem nú rís á Laugarvatni þar sem gamla gufubaðið stóð,
mun heita Laugarvatn Fontana. Nýtt merki baðstaðarins var kynnt fyrr í
dag á Laugarvatni um leið og ný heimasíða, fontana.is var tekin í
gagnið.

Stefnt er að opnun í júní og ásamt því sem unnið er að kappi
að byggingu nýja gufubaðsins er kynning og markaðssetning hafin fyrir
allnokkru. Miðast hún við að laða að ferðamenn á staðinn allt árið um
kring.

Nýja gufubaðið verður eins og hið gamla byggt ofan á gufuhvernum og
verður því áfram náttúrulegt gufubað. Nafnið Fontana vísar til þess að
á latínu þýðir fontana uppspretta, og býður því nafnið upp á auðvelda
tengingu við staðinn.

Heimasíða Fontana

• 3 blogg um fréttina

Bloggað um fréttina

• Ingimar Eydal: Hallærislegt og lágkúrulegt
• Sigurður Hrellir: Er tóm pyngja uppspretta vellíðunnar?
• S i g u r ð u r S i g u r ð a r s o n: Ekki talandi á íslensku ...