Vill rannsaka hvort flugumaður hafi aðstoðað lögreglu hér
Setja bókamerki
Birgitta Jónsdóttir, þingmaður Hreyfingarinnar, sagði í Silfri Egils í Sjónvarpinu í dag að hún hefði fengið vísbendingar um að lögregla á Íslandi hafi verið í einhverju samstarfi við breska lögreglumanninn Mark Kennedy, sem komst í dulargervi inn í raðir breskra aðgerðasinna.
Fram hefur komið að Kennedy tók þátt í aðgerðum umhverfisverndarsinna gegn Kárahnjúkavirkjun á Austurlandi árið 2005.
Birgitta sagðist hafa vísbendingar um að Kennedy hefði komið upplýsingum á framfæri við lögreglu hér en að rannsaka yrði málið til hlýtar. Hún sagði, að Kennedy hefði m.a. notfært sér tengslin við samtökin Saving Iceland til að komast inn í önnur evrópsk grasrótarsamtök.
Birgitta sagðist ekki hafa hitt Kennedy en hún hefði fengið frá honum bréf vegna greinar, sem hann sagðist vera að skrifa um lögregluofbeldi gegn mótmælendum á Austurlandi.
Viðurkennir ábyrgð og segir af sér
Náðun stuðningsmanna Trump vekur ólík viðbrögð
Staðan alvarleg og stutt í aðgerðir
Vara við svindli í Zagreb
„Sársauki okkar er nístandi“
„Ég hef verið kjaftaskur mikill“
Íbúar komnir heim á ný
MDE: Brotið á Jóhannesi í BK-44 máli