„Alþýðusambandið hrökk frá“

„Alþýðusam­bandið hrökk frá sem slíkt. Nú þurf­um við bara að ræða við ein­stök lands­sam­bönd,“ seg­ir Vil­hjálm­ur Eg­ils­son, fram­kvæmda­stjóri Sam­taka at­vinnu­lífs­ins. „Það ligg­ur al­veg fyr­ir að málið klár­ast ekki nema við sjá­um til lands í sjáv­ar­út­vegs­mál­un­um og okk­ur tak­ist að ljúka þeim.“

Ljóst varð á fundi samn­inga­nefnda SA og ASÍ í dag að til­raun­ir til mót­un­ar sam­ræmdr­ar launa­stefnu á veg­um heild­ar­sam­tak­anna til þriggja ára heyra sög­unni til. ASÍ get­ur ekki fall­ist á það skil­yrði SA að fund­in verði lausn í sjáv­ar­út­vegs­mál­um áður en skrifað verður und­ir nýja kjara­samn­inga.  

„Það á ekki að koma nein­um á óvart. Við höf­um sagt þetta mjög lengi. Málið er þó ekki á reit eitt vegna þess að end­ur­skoðun­ar­nefnd­in [um stjórn­kerfi fisk­veiða] skilaði af sér í sept­em­ber með víðtækri sátt. Það sem við erum að biðja um er að þessi sátt verði út­færð í laga­bún­ing,“ seg­ir Vil­hjálm­ur.

Mun taka lengri tíma 

Hann seg­ir að Sam­tök at­vinnu­lífs­ins hafi ekki fengið nein svör frá rík­is­stjórn­inni um að hún vilji á einn eða neinn hátt ræða við SA um sjáv­ar­út­vegs­mál­in. „Það er mjög merki­legt út af fyr­ir sig. Það hef­ur ekki verið leið til sátta hingað til að vilja ekki ræða við nokk­urn mann,“ seg­ir hann.

Vil­hjálm­ur seg­ir að fyrst kjaraviðræðurn­ar eru nú komn­ar í þenn­an far­veg muni þessi mál öll taka lengri tíma, „en Sam­tök at­vinnu­lífs­ins eru ekki að fara að gera ein­hvern skamm­tíma­samn­ing,“ seg­ir Vil­hjálm­ur. Sam­tök­in vilja að gerðir verði kjara­samn­ing­ar til þriggja ára, sem er að sögn Vil­hjálms mjög mik­il­vægt til að eyða óvissu.

• 8 blogg um frétt­ina

Bloggað um frétt­ina

• Jó­hann­es Ragn­ars­son: Þjóðnýt­um út­gerðina með einu penn­astriki og eyðum auðvalds­blokk­un­um.
• Páll Vil­hjálms­son: Allt í hnút stjórn­ar­stefna
• Jón Ingi Cæs­ars­son: Stefn­ir lóðbeint í verk­föll.
• Björn Birg­is­son: Nálg­un­ar­bann á Sam­tök at­vinnu­lífs­ins?
• Ingi­björg Magnús­dótt­ir: Fyr­ir hverja er Vil­hjálm­ur Eg­ils­son mál­pípa?
• Geir Ágústs­son: Sam­einaðir föll­um vér
• Guðrún María Óskars­dótt­ir.: Fínt mál að Sam­tök at­vinnu­lífs­ins fari að semja sjálf við …
• Hall­dór Hall­dórs­son: Vil­hjálm­ur mis­reikn­ar sig.