Bíða eftir svari ríkisstjórnarinnar
Setja bókamerki
Forystumenn ASÍ og Samtaka atvinnulífsins bíða nú eftir svari ríkisstjórnarinnar við kröfugerðum um aðgerðir í efnahags-, atvinnu- og félagsmálum. Svörin eiga að berast fyrir fund ASÍ og SA kl. 14 og er litið svo á að þau geti skipt sköpum um framhald kjaraviðræðnanna um samræmda launastefnu.
Forystumenn ASÍ funda kl. 13 og því næst hefst fundur ASÍ og SA í húsnæði ríkissáttasemjara kl. 14 þar sem farið verður yfir svör ríkisstjórnarinnar og stöðuna í samningamálunum.
Aðilar vinnumarkaðarins fóru fram á við ríkisstjórnina að hún svaraði tillögum þeirra um aðgerðir fyrir fundinn sem hefst kl. 14. Meðal stærstu mála í kröfugerð ASÍ gagnvart stjórnvöldum eru annars vegar jöfnun lífeyrisréttinda og hins vegar að bætur atvinnuleysistrygginga og bætur almannatrygginga verði hækkaðar, auk þess sem krafist er aðgerða í atvinnumálum.
Skúli sýknaður en 780 milljóna greiðslum rift
Taka þarf ákvarðanir um framtíð Grindavíkurbæjar
Biðlistar eftir skurðaðgerðum gætu lengst
Alvarlega veikar og greindust að lokum með alnæmi
Kvikusöfnun 80% af því sem var fyrir síðasta gos
Víðir gerir upp mistök frá covid-tímanum
„Þetta var hræðileg stund“