Ólöf Nordal, varaformaður Sjálfstæðisflokksins, sagði þá niðurstöðu Hæstaréttar að ógilda stjórnlagaþing enn eitt dæmið um óvönduð vinnubrögð ríkisstjórnarinnar. Hún sagði óvissu mikla á Íslandi, ekki síst pólitísk óvissa, og nú hafi það bæst við að Hæstiréttur ógildi almennar kosningar hér á landi. Það bætist við aðra pólitíska óvissu.

Ólöf sagði að framkvæmd stjórnlagaþings sé meirihluta þingsins til vansa. Farið var að stað með miklu offorsi og farið í tilraunastarfsemi um grundvallarmál. Hún benti á að Sjálfstæðisflokkur hafi verið á móti þessu máli og talað gegn því að í málið skyldi farið. Skoðun Sjálfstæðisflokks sé að stjórnskipunarlög skuli vera á hendi Alþingis.

Þá sagði Ólöf að ríkisstjórnin hljóti að taka niðurstöðuna alvarlega og forsætisráðherra íhuga þá stöðu sem upp er komin. Hún treysti á að forsætisráðherra geri þinginu grein fyrir því á morgun hvernig brugðist verður við stöðunni. Ef það er skoðun forsætisráðherra að halda áfram með málið þurfi að leggja fram nýtt lagafrumvarp um stjórnlagaþing.

Tengdar fréttir

Stjórnlagaþing

Fleiri karlar en konur kusu

• Boða fund að viku liðinni
• Aðeins ræst úr kjörsókn
• 33% kosið í Garðabæ kl. 17
• Fimm frambjóðendur skiluðu uppgjöri

» Fleiri tengdar fréttir

• 3 blogg um fréttina

Bloggað um fréttina

• Þorsteinn H. Gunnarsson: Ólöf veður reyk
• Jón Kristjánsson: Pólitískar keilur......
• Óðinn Þórisson: Megaklúður ríkisstjórnarinnar