Meirihluti vill samþykkja Icesave

Meirihluti þeirra, sem tóku afstöðu í skoðanakönnun Fréttablaðsins, vill að nýtt samkomulag við Breta og Hollendinga í Icesave-deilunni verði samþykkt.

Alls sögðust 56,4% þeirra sem tóku afstöðu  vilja að samkomulagið yrði samþykkt en 43,6% vildu að því yrði hafnað. Könnunin var gerð miðvikudaginn 19. janúar og var hringt í 800 manns. Alls tóku 73,4%  afstöðu til spurningarinnar.

Fram kemur í Fréttablaðinu að þegar afstaða fólks var  skoðuð með hliðsjón af því hvaða flokk það sagðist myndu kjósa ef gengið yrði til þingkosninga nú sagðist meirihluti stuðningsmanna Samfylkingarinnar, Vinstri grænna  og Framsóknarflokks vilja staðfesta samkomulagið. 53% þeirra, sem sögðust styðha Sjálfstæðisflokksins, sögðust hins vegar vilja hafna samkomulaginu en 47% að það yrði staðfest.

• 4 blogg um fréttina

Bloggað um fréttina

• Óli Björn Kárason: Íslendingar eru orðnir þreyttir og dasaðir
• Axel Þór Kolbeinsson: Uppgjöf almennings?
• Óðinn Þórisson: Ríkisstjórn sem getur ekki sjálf komið í gegn milliríkjamáli jafn …
• Sigurður Haraldsson: Hvar eru þeir??????