Olís hækkar eldsneytisverð

Olís hefur hækkað verð á eldsneyti, bensínlítrann um 5 krónur og dísilolíulítrann um 4,50 krónur. Kostar lítrinn að hvoru tveggju 217,90 krónur í sjálfsafgreiðslu. N1 reið á vaðið í gær og hækkaði eldsneytisverð. Sagði fyrirtækið að ástæðan væri hækkun á eldsneytisgjaldi og gengislækkun krónu gagnvart dal.

Önnur félög hafa ekki hækkað verðið.  Ódýrasta eldsneytið er hjá Orkunni þar sem bensínlítri kostar 212,50 krónur og dísilolían 213 krónur. Hjá Atlantsolíu og ÓB er eldsneytið 0,10 krónum dýrara. 

Verð á bensíni komst í 217,90 krónur 6. apríl í fyrra  en lækkaði aftur daginn eftir.

• 4 blogg um fréttina

Bloggað um fréttina

• Jóhann Elíasson: ÞAÐ VERÐUR AÐ NÁ TIL BAKA "MARKAAFSLÆTTINUM"................
• Sigurður Jónsson: N1 og Olís með uppá eyri sömu hækkun. Samráð?
• Heimir Lárusson Fjeldsted: Framandi
• Sigurður Haraldsson: Ekki sérfræðing!