Semja um styttri nýtingarrétt

Ríkisstjórnin ákvað í dag fela iðnaðarráðherra að taka þegar í stað upp viðræður við HS Orku, eigendur félagsins, og sveitarfélög á Reykjanesi, um að stytta  leigutíma nýtingarréttar á jarðhita. 

Fram kom eftir ríkisstjórnarfund í dag, að ríkisstjórnin leggur áherslu á að tryggja ríkinu ótímabundinn forkaupsrétt á hlut Magma Energy Sweden í HS Orku. Jafnframt sé lögð áhersla á að samið verði um kaup opinberra aðila, og innlendra aðila, eins og lífeyrissjóða, á hlutum í HS Orku með frekari kauprétti í framtíðinni. 

Einnig var ákveðið að ganga til samninga við Reykjanesbæ um kaup ríkisins á jarðauðlindum í eigu sveitarfélagsins. Í síðustu samþykkti meirihluti bæjarstjórnar Reykjanesbæjar yfir vilja til að bærinn bjóði ríkinu að kaupa land og jarðauðlindir sem Reykjanesbær keypti af HS orku til að auðlindin yrði í samfélagslegri eigu. Þannig færist hún úr sveitarfélagseign og verði þjóðareign. 

Iðnaðarráðherra mun leggja fram frumvarp á Alþingi innan skamms í vor þar sem hámarksleigutími á nýtingarrétti vatns- og orkuauðlinda verði styttur úr þeim 65 árum sem lög kveða nú á um.

• 4 blogg um fréttina

Bloggað um fréttina

• Ómar Ragnarsson: Grundvallaratriði.
• Páll Vilhjálmsson: Ríkisstjórnin gefst upp fyrir Magma
• Sigurður Hrellir: Sýndarviðbrögð
• Óli Björn Kárason: Jóhanna svíkur Björk