Sérstakar lausnir nauðsynlegar

Leita verður sérstakra lausna í samningaviðræðunum um aðild Íslands að ESB, til að mæta þörfum íslensks landbúnaðar. Þetta er sjónarmið fulltrúa Íslands sem luku í dag rýnifundi um landbúnað og dreifbýlisþróun í Brussel. Landbúnaðarmál standa utan EES-samningsins og þarf að semja um frá grunni.

Fundurinn var sá síðari af tveimur, en fyrir íslenska hópnum fór Sigurgeir Þorgeirsson, formaður samningahóps Íslands. Á fundunum tveimur var regluverk Íslands borið saman við regluverk Evrópusambandsins. Áhersla var lögð á sérstöðu íslensks landbúnaðar og mikilvægi hans vegna fæðuöryggis, sjálfbærni og dreifbýlisþróunar. Nauðsynlegt verði að mæta þörfum íslensks landbúnaðar með sérstökum lausnum í aðildarviðræðum við ESB.

Helstu þættirnir sem fulltrúar Íslands lögðu áherslu á á fundunum voru eftirfarandi:

• Norðlæg lega og náttúruleg sérstaða, m.a. harðbýli og mikið dreifbýli
• Einföld stjórnsýsla og sveigjanleiki við innleiðingu
• Stuðningsfyrirkomulag, sérstaklega beingreiðslna, vegna sérstöðu Íslands og   skertrar samkeppnisstöðu
• Viðbótarheimildir til að styrkja íslenskan landbúnað úr ríkissjóði
• Mikilvægi þeirrar verndar sem íslenskur landbúnaður nýtur í formi tollverndar.
• Starfsumhverfi kúabænda og afurðastöðva í mjólkuriðnaði
• Vernd innlendra búfjárstofna og heilbrigði þeirra
• Búfjármerkingar og mikilvægi þess að þær taki tillit til íslenskra aðstæðna

• 1 blogg um fréttina

Bloggað um fréttina

• Jón Pétur Líndal: Stjórnin lætur sig dreyma um ESB á meðan kommúnisminn sligar …