Lífeyrisgreiðslur í áratug eftir andlát

Kona, sem lést í útlöndum fyrir tíu árum hefur fengið um fjórtán milljónir króna í lífeyrisgreiðslur frá Tryggingastofnun en andlátið var ekki tilkynnt stjórnvöldum hér á landi. Fram kom í fréttum Sjónvarpsins, að stofnunin hefur kært málið til lögreglu.

Í ljós kom hvers kyns var þegar bréf til konunnar frá Tryggingastofnun var endursent  í nóvember og í kjölfarið var málið rannsakað. Sigríður Lillý Baldursdóttir, forstjóri Tryggingastofnunar, sagði við Sjónvarpið að lífi viðkomandi hafi verið viðhaldið með því að það var talið fram til skatts í öll árin. Þaðan hafi Tryggingastofnun upplýsingar um tekjur, ári eftir að greiðslur fóru fram og endurreiknun á lífeyrisþegum á sér stað. Í raun hafi engar grunsemdir verið um að viðkomandi væri látin.

• 3 blogg um fréttina

Bloggað um fréttina

• Sigríður Sigurðardóttir: Látin á launum...
• Haraldur Haraldsson: Lífeyrisgreiðslur í áratug eftir andlát/skoðið þessi mál betur, en að …
• Ólafur Ragnarsson: "hörðum höndum"