Lilja biðst afsökunar

Lilja Mósesdóttir, alþingismaður VG, hefur beðist afsökunar á þeim mistökum sem gerð voru þegar frumvarp um stjórnlagaþing var samþykkt á Alþingi. Áður hafa þingmennirnir Róbert Marshall og Árni Þór Sigurðsson beðist afsökunar vegna sama máls.

„Þegar frumvarpið um stjórnlagaþingið var í þinginu treysti ég á það sem Jóhanna kallar órofa samstöðu innan Samfylkingarinnar og traust samstarf við formann og stærstan hluta VG, enda er ég hvorki lögfræðimenntuð né fulltrúi VG í allsherjarnefnd. Það voru mistök og biðst ég afsökunar á því!“ segir Lilja á facebook-síðu sinni.

Lilja vísar þar til ummæla sem Jóhanna Sigurðardóttir forsætisráðherra lét falla á flokksstjórnarfundi Samfylkingarinnar þar sem hún sagði að þrátt fyrir deilur innan VG hefði „vegna órofa samstöðu innan Samfylkingarinnar og trausts samstarfs við formann og stærstan hluta VG ... þetta hinsvegar ekki stöðvað framgang mikilvægra mála ríkisstjórnarinnar.“

• 9 blogg um fréttina

Bloggað um fréttina

• Axel Þór Kolbeinsson: ...og þá eru þau átta
• Haukur Baukur: Viðbrögð við afsökunum
• Pétur Harðarson: Lilja sýnir klærnar...
• Björn Birgisson: Vinsældir Lilju verða allar handan múra velsæmisins
• Magnús Helgi Björgvinsson: Ofboðslega er þetta ömurlegur málflutningur hjá Lilju!
• Sigurður Þorsteinsson: Fjölmiðlafulltrúi forsætisráðherra ræðst á Jóhönnu.
• Sigurður Haraldsson: Takk.
• Jóhannes Laxdal Baldvinsson: Jón Bjarnason segi af sér
• S i g u r ð u r S i g u r ð a r s o n: Lilja biðji þjóð sína afsökunar á Alþingi