Miklar áhyggjur af íslensku þjóðinni

Bjarni Benediktsson, formaður Sjálfstæðisflokksins, sagðist á Alþingi í dag hafa miklar áhyggjur af íslensku þjóðinni á tveggja ára afmæli ríkisstjórnarinnar, sem er í dag, 1. febrúar.  

Sagði Bjarni, að þjóðin kallaði eftir árangri og uppbyggingu sem léttu undir með fólkinu og vektu bjartsýni um framtíðina.

„Okkur gengur of hægt að koma hagkerfinu í gang, okkur gengur of hægt að skapa störf, við höfum lagt of miklar byrðar á heimilin um leið og illa hefur gengið og allt of seint að greiða úr skuldavanda þeirra. Nýfjárfesting í atvinnulífinu er í algeru frosti og undirstöðuatvinnugreinar, eins og t.d. sjávarútvegurinn, búa við mikla óvissu. Ofan á allt þetta bætist að hugmyndir forsætisráðherrans og stjórnarmeirihlutans um endurskoðun á stjórnarskránni hafa nú verið í smíðum í tvö ár með engum árangri og við erum komin aftur á byrjunarreit," sagði Bjarni.

• 5 blogg um fréttina

Bloggað um fréttina

• Sigurður Jónsson: Almenningur aldrei haft það eins gott,segir Steingrímur J. Skattahækkun er …
• Guðjón Sigþór Jensson: Hvað á Bjarni við?
• Ómar Geirsson: Skoðanalaus maður, hefur áhyggjur af þjóð sinni.
• Hörður B Hjartarson: Er þessi skoðun
• Jón Ingi Cæsarsson: Jakkalakki í afneitun.