Fráleitt að tilefni sé til að halda landsfund
Setja bókamerki
Bjarni Benediktsson, formaður Sjálfstæðisflokksins, hafnar því að nokkurt tilefni sé til að boða til landsfundar Sjálfstæðisflokksins nú vegna afstöðu þingflokksins til Icesave-málsins.
„Ég tel að það sé algerlega fráleitt að það sé tilefni til að boða til landsfundar. Landsfundur verður einfaldlega haldinn innan skamms tíma eftir þeim reglum sem skipulagsreglur flokksins kveða á um og miðstjórn á eftir að dagsetja hann,“ sagði Bjarni í viðtali í Kastljósinu í kvöld.
Bjarni sagði að ríkisstjórnin hefði klúðrað Icesave-málinu og þess vegna ríkti vantraust á málinu. Málið væri þó ekki eins umdeilt nú og þegar ríkisstjórnin lagði síðasta samning fyrir þingið.
„Ég er stoltur af frammistöðu þingflokks Sjálfstæðisflokksins í Icesave-málinu,“ sagði Bjarni þegar hann var spurður um gagnrýni flokksmanna á þingflokkinn.
Bjarni sagðist hafa fundið fyrir stuðningi við sín störf. Á næsta landsfundi þegar formaður flokksins yrði kjörinn myndu flokksmenn meta í heild störf sín fyrir flokkinn.
„Það var bara allt í kássu“
Áfram eftirlit á Lundi og rætt við starfsfólk
Við urðum að byrja upp á nýtt
Telur njósnirnar vega að lýðræðinu á Íslandi
Nóvemberhitametið fallið?
Nota ekki jólaljós til að níðast á fólki
Eldur kom upp í Sorpu
Fjögur ungbörn á spítala með RS-veirusýkingu