Verðstríð á bensínmarkaði

Verð á bensíni hefur lækkað í dag og í gær hér á landi þrátt fyrir að heimsmarkaðsverð á bensíni hafi verið að hækka síðustu daga vegna mótmælanna í Egyptalandi.

Á föstudaginn var algengt verð á 95 oktana bensíni 214,30 á sjálfafgreiðslustöðvum.

Verðið var 209,60 kr á 95 oktana bensíni hjá ÓB og Atlantsolíu kl. 16:30 í dag, en ódýrast var það hjá Orkunni 209,50. Hugi Hreiðarsson, markaðsstjóri Atlantsolíu, sagði þegar rætt var við hann um verðbreytingarnar að Atlantsolía væri að fara að lækka niður í 208,80 kr. Hann sagði að verðsamkeppninni væri því ekki lokið.

Hugi sagði að verðbreytingar væru búnar að vera tíðar að undanförnu, en hann giskaði á að verðið hefði breyst um 40 sinnum frá áramótum.

• 2 blogg um fréttina

Bloggað um fréttina

• S i g u r ð u r S i g u r ð a r s o n: Friður ríkir milli olíufélaganna
• Jóna Kolbrún Garðarsdóttir: Það er ekkert verðstríð í gangi, hættið að ljúga að …