Styður frestun aðildarviðræðna

Richard Benyon, sjávarútvegsráðherra Bretlands, lýsti í gærkvöldi yfir stuðningi sínum við að aðildarviðræðum Íslands við Evrópusambandið (ESB) verði slegið á frest þar til Íslendingar gefa eftir í „makrílstríðinu“, eins og fréttavefur The Press and Journal greinir frá.

Skorað var á Benyon á fundi í neðri deild breska þingsins að krefjast þess að ESB fresti aðildarviðræðunum þangað til makríldeilan hefur verið leyst.  „Ég er því fyllilega sammála,“ var svar ráðherrans.

Tom Greatrex, þingmaður sem fer með fiskveiðar og málefni Skotlands í skuggaráðuneyti Verkamannaflokksins, mælti fyrir því í gær að aðildarviðræðunum yrði frestað þar til Íslendingar gæfu eftir í makríldeilunni og semdu um málið.

• 6 blogg um fréttina

Bloggað um fréttina

• Jón Aðalsteinn Jónsson: Stríðsyfirlýsing frá Bretum
• Valdimar Samúelsson: Þetta er plott hjá EU. Ef þeir ákveða frestun á …
• Ingvi Rúnar Einarsson: Bretar styðja íslenska andstöðumanna við ESB.
• Guðrún María Óskarsdóttir.: Auðvitað á að fresta aðildarviðræðum að ESB, eins og skot.
• Anna Ólafsdóttir Björnsson: Ef við hlýðum ekki ...
• Guðni Karl Harðarson: Ég hef fundið lausnina:-)