Amelie hugsar hlýlega til Íslendinga

„Það hlýjar mér um hjartaræturnar að Ísland skuli hafa hugsað til mín og að það vilji sýna mér samstöðu,“ segir Maria Amelie, sem var nýverið vísað frá Noregi, á bloggsíðu sinni. Hún segir að það sé rangt sem fram hafi komið í frétt ABC Nyheter í Noregi að hún vilji ekki gerast íslensku ríkisborgari.

Íslenskir þingmenn hafa lagt til að Amelie, sem heitir í raun Madina Salamova, fái íslenskan ríkisborgararétt. Henni var nýlega vísað frá Noregi, hvar hún hafði búið frá árinu 2002 sem ólöglegur innflytjandi.

Amelie segir að hún líti á aðstoðina frá Íslendingum sem lítið kraftaverk og ljós í myrkrinu. Þetta sé eitthvað sem hún muni ekki gleyma.

Mbl.is vísaði nýverið í frétt ABC Nyheter um málið sem leiddi til þess að Amelie hefur nú bloggað um málið til að koma réttum skilaboðum á framfæri.

Bloggsíða Amelie.

• 1 blogg um fréttina

Bloggað um fréttina

• Ómar Ragnarsson: "Ó, athvarf umrenningsins..."