Vinnustöðvun samþykkt í Eyjum

Starfsmenn fiskimjölsverksmiðjanna í Vestmannaeyjum hafa samþykkt að boða til verkfalls. Niðurstaða atkvæðagreiðslu hjá bræðslumönnum á Austurlandi og Akranesi verður kynnt í fyrramálið.

Náist ekki samningar stöðvast vinnsla í fiskimjölsverksmiðjunum í Eyjum, að minnsta kosti, um miðja næstu viku, væntanlega 15. febrúar.

Verkfall sem verkalýðsfélögin á Austurlandi og í Vestmannaeyjum boðuðu til fyrr í mánuðinum var úrskurðað ógilt í félagsdómi. Samninganefndir vinnuveitenda og verkalýðsfélaganna náðu ekki saman um helgina og slitu verkalýðsfélögin viðræðum og efndu til atkvæðagreiðslu um vinnustöðvun.

• 5 blogg um fréttina

Bloggað um fréttina

• Jóhannes Ragnarsson: Eru loðnuveiðar umhverfisslys ?
• Axel Jóhann Axelsson: Ógæfuleg verkfallsboðun
• Gísli Foster Hjartarson: Íllt í efni!
• Guðrún María Óskarsdóttir.: Kominn tími til að standa á sínum rétti, áfram Vestmanneyingar.
• Sigurður Jónsson: Tengja á laun bræðslumanna og fiskvinnslufólks við markaðsverð.