Búist við snörpum vindhviðum
Setja bókamerki
Almannavarnadeild ríkislögreglustjóra hefur vakið athygli á stormviðvörun frá Veðustofu Íslands. Spáð er austan og suðaustan stormi sunnan- og vestanlands fram á nótt.
Lögreglan segir, að þar sem búast megi við snörpum vindhviðum og úrkomu sé talið rétt að athuga með lausamuni og hreinsa frá niðurföllum. Eru björgunarsveitarmenn komnir í viðbragðsstöðu.
Vegfarendur eru hvattir til þess að fylgjast með veðri og færð áður en lagt er af stað. Nánari upplýsingar er að finna á vef Veðurstofu Íslands www.vedur.is og Vegagerðarinnar www.vegagerdin.is.
Samkvæmt vef Vegagerðarinnar er nú skollið á óveður á Reykjanesbraut, Hellisheiði, í Þrengslum, á Kjalarnesi og undir Akrafjalli og Hafnarfjalli. Vindhraði mælist þar nú yfir 20 metra á sekúndu, og ökumenn því beðnir að fara varlega. Þá er orðið hvasst á Holtavörðuheiði og vindhræði um 22 metrar á sekúndu. Einnig er brostið á óveður á Suðurlandsvegi undir Eyjafjöllum.
Nú undir kvöld mældist vindhraði á Stórhöfða í Vestmannaeyjum 36,7 metrar á sekúndu, við Þyril 28,5 m/s og við Gullfoss 24,8 m/s.
Skattamál verði líklega „þeirra mesta klemma“
„Mér finnst gamla Samfylkingin komin aftur“
„Börn heima sem maður myndi vilja hafa í skjóli“
Ný ríkisstjórn kynnt á morgun
„Tímabil aukinnar eldvirkni“
Samfylking og Viðreisn gáfu loforð
„Þetta er ríkisstjórn almannahagsmuna“
Ók á hóp fólks á jólamarkaði: Einn látinn
