Hálfhissa og djúpt snortinn

Árni Páll Árnason, efnahags- og viðskiptaráðherra, kveðst vera hálfhissa og djúpt snortinn yfir því hversu þjóðin fylgist vel með vefsíðunni sinni, sem vakti athygli fjölmiðlanna í gær. Þetta segir ráðherrann á Facebook-síðu sinni.

Í gær birtist texti á síðunni þar sem fram kom að Árni Páll hefði sagt af sér embætti. „Ég er kominn með nóg - Takk fyrir mig,“ var fyrirsögnin á færslunni. 

Síðar kom í ljós að Árni Páll hafði orðið fyrir barðinu á tölvuþrjótum. 

„Má ekki bara túlka þetta sem ákall um regluleg pistlaskrif á síðuna?“ spurði Árni Páll á Facebook-síðu sinni í gær. 

Árni Páll skrifaði síðast pistil á síðuna um mitt síðasta ár.

• 2 blogg um fréttina

Bloggað um fréttina

• Sigurður Haraldsson: Já ertu hissa?
• Jón Páll Haraldsson: Misskilningur