Íhuga að landa loðnu erlendis

Útgerðarmenn hafa íhugað að landa loðnu í nágrannalöndum, komi til verkfalls starfsmanna fiskimjölsverksmiðjanna.

Ótímabundin vinnustöðvun hefur verið boðuð í átta verksmiðjum á Austurlandi, í Vestmannaeyjum og á Akranesi um miðja næstu viku.

Í umfjöllun um mál þetta í Morgunblaðinu í dag segir, að Færeyjar séu einkum nefndar sem hugsanlegur löndunarstaður en einnig Danmörk, Skotland og Noregur.