Isavia segir dóm koma á óvart

Isavia ohf. segir dóm, sem féll í dag vegna kynferðislegrar áreitni starfsmanns félagsins gagnvart samstarfsmanni sínum, koma verulega á óvart. Farið verði yfir dóminn og afleiðingar hans metnar.

Isavia hefur sent frá sér yfirlýsingu vegna dómsins og er hún  svohljóðandi:

„Í dag féll dómur í Héraðsdómi Reykjaness þar sem Isavia er dæmt til greiðslu miskabóta vegna ávirðinga um áreitni starfsmanns félagsins gagnvart samstarfsmanni sínum. Isavia meðhöndlaði málið samkvæmt þeim verklagsreglum sem í gildi voru hjá félaginu og taldi að málinu hefði verið sinnt á fullnægjandi hátt, því kemur niðurstaða dómsins verulega á óvart. Farið verður yfir dóminn og afleiðingar hans metnar.“

Hjördís Guðmundsdóttir, upplýsingafulltrúi Isavia, segir að farið hafi verið eftir verklagsreglum Isavia í einu og öllu varðandi meðferð þessa máls. 

Spurð að því hvaða áhrif dómurinn hafi á starfsmanninn, sem samkvæmt dómnum sýndi af sér áreitnina, sagði Hjördís að dómurinn hefði fyrst komið í dag. „Við munum í framhaldi af dómnum meta afleiðingarnar af honum. Þannig að það er ekkert óeðlilegt að viðkomandi sé enn í starfi.“

Ekki nóg að áminna starfsmann

• 1 blogg um fréttina

Bloggað um fréttina

• Viggó Jörgensson: Gæðingur Samfylkingarinnar? Þarna þarf að moka út kvenfyrirlitninguna.