Kúabændur sektaðir

Þremur kúabændum á Vestfjörðum hefur verið boðin lögreglusátt vegna vanrækslu á að tryggja kúm á búum þeirra lögbundna útiveru. Sáttin hljóðar upp á 50 þúsund króna sekt. Ekki liggur fyrir hvort bændurnir fari með málið fyrir dómstóla.

Samkvæmt upplýsingum bb.is eru þeir ekki allir sáttir við niðurstöðuna og kanna nú réttarstöðu sína. Matvælastofnun kæri níu kúabú í nóvember síðastliðnum vegna brota á reglum um útivist.

Bændablaðið greindi frá því á dögunum að bændur á kúabúi á Norðurlandi eystra hefðu gengist við brotinu og greitt uppsetta sekt. Jafnframt sagði blaðið frá því að unnið sé að breytingum á aðbúnaðarreglum nautgripa og sé útivist kúa eitt þeirra mála sem þar eru undir.

• 1 blogg um fréttina

Bloggað um fréttina

• Jóhannes Laxdal Baldvinsson: Hvað um kjúklinga og svínabændur?