Ólafur Ragnar ræddi við Clinton

Ólafur Ragnar Grímsson, forseti Íslands, átti fund með Bill Clinton, fyrrverandi forseta Bandaríkjanna, í New York í gær. Á fundinum ræddu þeir um glímu Íslendinga við afleiðingar fjármálakreppunnar og þann árangur sem náðst hefur.

Ólafur Ragnar og Clinton ræddu einnig mikilvægi hreinnar orku og rannsóknir íslenskra vísindamanna á bráðnun jökla og breytingum á náttúrunni. Þá var fjallað um þróun mála á norðurslóðum, opnun nýrra siglingaleiða milli Asíu, Evrópu og Ameríku en lega Íslands skapar landinu lykilsess í ljósi þeirra breytinga sem þá yrðu á heimsviðskiptum. Í fréttatilkynningu frá forsetaembættinu segir að Kínverjar, Indverjar og Rússar hafi vaxandi áhuga á samstarfi við Ísland og mikilvægt sé að Ísland, Bandaríkin og aðrar þjóðir á norðurslóðum bregðist við þeim verkefnum sem bráðnun íss kallar á. Þá var og fjallað um mótmælin í Mið-Austurlöndum og hvernig ný upplýsingatækni eykur áhrifamátt almennings.

• 2 blogg um fréttina

Bloggað um fréttina

• Haraldur Haraldsson: Ólafur Ragnar ræddi við Clinton/Þetta er gott að tala við …
• Valdimar Samúelsson: Ég hef alltaf sagt að Ólafur Ragnar er okkar maður …