Afhjúpaði minningarskjöld

Össur Skarphéðinsson utanríkisráðherra afhjúpaði í dag minningarskjöld í Vilníus, höfuðborg Litháens, um viðurkenningu Alþingis á sjálfstæði landsins.

„Til Íslands, sem óttalaust viðurkenndi lýðveldið Litháen, fyrst allra ríkja þann 11. febrúar 1991“, segir á skildinum, sem utanríkisráðherra afhjúpaði ásamt Audronius Azubalis utanríkisráðherra Litháen í viðurvist Vytautas Landsbergis fv. forseta litháíska þingsins og margra annarra sem leiddu sjálfstæðisbaráttu Litháens í upphafi tíunda áratugarins.

Í ávarpi við athöfnina sem fór fram við Íslandsstræti í miðborg Vilnius, lýsti ráðherrann stolti Íslendinga yfir að hafa getað lagt sitt lóð á vogarskálarnar í sjálfstæðisbaráttu Litháa og lagði áherslu á að vináttuböndin sem voru bundin fyrir 20 árum væru enn afar traust. Þetta kemur fram í tilkynningu frá utanríkisráðuneytinu.

Utanríkisráðherra Íslands og Litháen ásamt Vytautas Landsbergis fyrrverandi forseta litháíska þingsins. Ljósmynd/Utanríkisráðuneytið

• 3 blogg um fréttina

Bloggað um fréttina

• Geir Ágústsson: Þegar Íslendingar þorðu
• Kolbrún Hilmars: Munum Jörund!
• Ómar Ragnarsson: Stolt Íslands.