Segi mútur og skrifa mútur

Mörður Árna­son, þingmaður Sam­fylk­ing­ar­inn­ar, tel­ur að greiðsla Lands­virkj­un­ar fyr­ir gerð aðal­skipu­lags Flóa­hrepps og ým­is­legt annað í sveit­ar­fé­lag­inu í tengsl­um við að koma Urriðafoss­virkj­un inn á skipu­lagið hafi verið mút­ur. Þetta kom fram í Silfri Eg­ils í dag.

Verið var að ræða um Urriðafoss­virkj­un og aðal­skipu­lag Flóa­hrepps sem Svandís Svavars­dótt­ir, um­hverf­is­ráðherra, staðfesti ekki á sín­um tíma sem kunn­ugt er. Mörður sagði m.a. að sveit­ar­fé­lagið hafi ekki sett virkj­un­ina inn á skipu­lag fyrr en að gerðum samn­ingi við Lands­virkj­un.

Hann sagði að í samn­ingn­um hafi fal­ist að Lands­virkj­un myndi greiða fyr­ir skipu­lagið, setja bundið slitlag á tvo vegi óviðkom­andi virkj­un­inni, koma að vatns­veitu­fram­kvæmd­um í hreppn­um og bæta GSM sam­band í hluta hrepps­ins. Lands­virkj­un hafi því þrýst á sveit­ar­fé­lagið að setja virkj­un­ina inn á skipu­lagið.

Eg­ill Helga­son, um­sjón­ar­maður þátt­ar­ins, spurði Mörð hvort hann væri með þessu að segja að Lands­virkj­un hafi verið að múta sveit­ar­fé­lag­inu?

Mörður sagði að hægt væri að hafa bæði kurt­eis­leg orð um þetta og ókurt­eis­leg. 

„En úr því að þú spyrð þá segi ég mút­ur og skrifa mút­ur“ sagði Mörður.

• 10 blogg um frétt­ina

Bloggað um frétt­ina

• Jón Kristjáns­son: Meint­ar mút­ur Marðar......
• Eyj­ólf­ur Jóns­son: Nei nei, ekki mút­ur
• Guðrún María Óskars­dótt­ir.: Þingmaður­inn þekk­ir ekki sín mörk.
• Magnús Helgi Björg­vins­son: Þetta er nú eitt af því sem hægt er að …
• Jó­hann Elías­son: ERU ÞÁ EKKI GREIÐSLUR ESB, TIL KYNN­ING­AR Á SAM­BAND­INU LÍKA …
• Ómar Ragn­ars­son: Hálfr­ar ald­ar þróun.
• Axel Jó­hann Ax­els­son: Marðar­mút­ur
• Sig­ur­jón Bene­dikts­son: Segi asni og skrifa asni...
• Jón Rík­h­arðsson: Að standa við stóru orðin.
• Jó­hann­es Ragn­ars­son: Mörður sigraði öfgaliðið 14-0 í Silfr­inu í dag.