Kynferðisafbrot að aukast hér á landi

Ofbeldi er að aukast á Íslandi að sögn Þóris Steingrímssonar, formanns Félags íslenskra rannsóknarlögreglumanna, og þá sérstaklega kynferðisafbrot.

„Eftir að þessi sérstaka kynferðisafbrotadeild var stofnuð opnuðust ýmsar gáttir, það er eins og fólk leiti þá frekar til lögreglu en til annarra stjórnvalda,“ segir Þórir í Morgunblaðinu í dag, en FÍR hélt námstefnu um helgina þar sem fjallað var um ofbeldi á Íslandi.