Leitað að nefi

Akureyrarbær lýsir eftir nefi snjókarls, sem reistur var á Ráðhústorginu á föstudag. Nefið er um tveggja metra langt úr frauðplasti og standa neðan úr því steypustyrktarjárn sem notuð voru til að festa það við snjókarlinn.

Segir á vef bæjarins, að snjókarlinn sakni sárt nefsins og séu allir þeir, sem kunna að hafa einhverjar upplýsingar um hvar það er niðurkomið, beðnir að láta vita í síma 460 1000 eða með tölvupósti í netfangið info@visitakureyri.is.

• 1 blogg um fréttina

Bloggað um fréttina

• Sigurður Haraldsson: Af hverju fær ekkert að vera í friði?