Ofbeldið burt

Fundur Samtaka verslunareigenda við Laugaveg og Íbúasamtaka miðborgar, þar sem málefni miðborgarinnar eru rædd hófst klukkan 18.

Yfirskrift fundarins er „Ofbeldið burt" og í fundarboði voru allir sem láta sig málefni miðborgarinnar einhverju varða hvattir til að mæta.

Á fundinum verða haldnar framsögur fulltrúa ýmissa hagsmunaaðila og í lokin verða pallborðsumræður. Meðal þeirra sem eru á mælendaskrá eru Stefán Eiríksson, lögreglustjóri,  Páll Winkel, fangelsismálastjóri og  Anna Þóra Björnsdóttir, verslunarstjóri gleraugnaverslunarinnar Sjáðu.

Auk þeirra mun Jón Gnarr, borgarstjóri, og fleiri gestir sitja í pallborði til að taka þátt í umræðum og svara spurningum fundargesta.

• 1 blogg um fréttina

Bloggað um fréttina

• Jóhannes Ragnarsson: Áhrifaríkasta aðgerðin til að afnema ofbeldi liggur í augum uppi.