„Ég var staddur heima að borða fisk“

Sigmundur Davíð Gunnlaugsson, formaður Framsóknarflokksins, sagðist hafa orðið afar undrandi þegar hann frétt að það væri búið að taka Icesave-málið úr nefnd og að það ætti að klára það í vikunni. 

„Ég var staddur heima hjá mér í gærkvöldi að borða fisk þegar ég komst allt í einu að því að það væri búið að rífa Icesave-málið út úr fjárlaganefnd og að það ætti að vera umræða um málið hér í dag og atkvæðagreiðsla á morgun. Ég hugsa að fátt hafi komið nokkrum jafnmikið á óvart á Íslandi frá því núverandi utanríkisráðherra kom úr sturtu og komst að því að það hefði orðið efnahagshrun,“ sagði Sigmundur Davíð.

„Ég hafði ímyndað mér það menn myndi a.m.k. sýna fram á það hér á lokasprettinum að þeir hefðu eitthvað lært af þeim tveimur árum sem farið hafa í að vinna þetta mál almennilega, en það á að klára það eins og það byrjaði.“

Sigmundur Davíð hefði í umræðu um síðasta samning farið yfir 75 grundvallaratriði málsins, en nú væri honum ætlað að gera það á 15 mínútum. Það þýddi 12 sekúndur um hvert atriði. Verst þætti honum að þessi umræða þyrfti að fara fram í skjóli myrkurs og taldi eðlilegra að fresta fundi.

• 7 blogg um fréttina

Bloggað um fréttina

• Jón Ingi Cæsarsson: Hollt og gott að borða fisk.
• Haraldur Haraldsson: „Ég var staddur heima að borða fisk“ /Er svo komið …
• Axel Jóhann Hallgrímsson: „Var það ýsa heillin“?
• Riddarinn : Verið að taka almenning i rassgatið með þessari hraðmeðferð.
• Ómar Geirsson: Sigmundur, það tekur ekki langan tíma að taka ranga ákvörðun.
• Ólafur Ingi Hrólfsson: Lýðskrum Framsóknar
• Guðrún María Óskarsdóttir.: Offarsvinnubrögð sitjandi valdhafa í Icesave málinu, sem aldrei fyrr.