Stjórn Sambands Ungra framsóknarmanna hefur samþykkt ályktun þar sem skorað er á forseta Íslands að vísa nýsamþykktum Icesave-lögum til þjóðarinnar.

„Icesave málið snertir hagsmuni okkar allra sem og komandi kynslóða. Ljóst er að um miklar skuldbindingar byggðar á löglausum kröfum er að ræða og liggur það því beinast við að spyrja eigendur ríkissjóðs, íslensku þjóðina um leyfi. Ef ekki verða Icesave-lögin sem  opið sár sem aldrei grær og eilífðar þrætuepli í íslensku samfélagi," segir í ályktunninni.

Þá segist stjórn SUF harma að Steingrímur J. Sigfússon, fjármálaráðherra, sé ekki lengur sannfærður um að þjóðin sé tæk til að taka afstöðu í
þjóðaratkvæðagreiðslu í jafn mikilvægu máli sem Icesave er.

Vísað er til ummæla Steingríms á Alþingi Íslendinga 4. mars 2003 þar sem hann sagði: „Stundum heyrist að vísu einstaka hjáróma rödd um að sum mál séu
svo flókin að þau henti ekki í þjóðaratkvæði. Það er einhver
allra ömurlegasti málflutningur sem ég heyri. Menn geta alveg eins haft
ónefnd orð um gáfnafar þjóðarinnar, og það ætla ég a.m.k. ekki
að gera.“

Tengdar fréttir

Icesave

Bresk stjórnvöld létu Ísland róa

• Íslendingar í efnahagslegu stríði
• Icesave var stærsta dómsmál EFTA
• Hefði kostað 208 milljarða
• „Grýla er dauð“

» Fleiri tengdar fréttir

• 1 blogg um fréttina

Bloggað um fréttina

• Jón Ingi Cæsarsson: Vill fólkið afnema þingræðið og koma á einræði ?