„Sýndardómur“

„Þetta er ekkert annað en sýndardómur“, segir Birna Gunnarsdóttir systir eins sakbornings eftir að dómur í máli nímenninganna féll í Héraðsdómi Reykjavíkur í morgun.

Ragnar Aðalsteinsson, lögmaður hinna ákærðu, segir óljóst hvort dómnum verið áfrýjað. Fullt var út úr dyrum í réttarsalnum og biðu margir fyrir utan salinn.

Niðurstaða Héraðsdóms varð sú að Andri Leó Lemarquis var dæmdur í 4 mánaða skilorðsbundið fangelsi, Þór Sigurðsson í 60 daga skilorðsbundið fangelsi og Sólveig Anna Jónsdóttir og Steinunn Gunnlaugsdóttir, voru dæmdar í 100 þúsund króna sekt. Aðrir voru sýknaðir.

Héraðsdómur sýknaði meðal annars alla sakborningana af ákæru fyrir að hafa í félagi framið brot gegn valdstjórninni. Vísar dómurinn til þess, að sakborningarnir hafi neitað því að hafa farið inn í þinghúsið með það í huga að beita starfsmenn þingsins ofbeldi eða hindra þá í störfum.

Þá bendi framburðir vitna og gögn í málinu, svo sem myndskeið, ekki til þess að átökin við þingverði og lögreglu hafi verið undirbúin. Þá hafi ekki verið leitt í ljós í málinu að fólkið hafi haft í frammi hótanir gagnvart lögreglu og þingvörðum. 

Dómur Héraðsdóms Reykjavíkur

• 4 blogg um fréttina

Bloggað um fréttina

• Ólafur Ingi Hrólfsson: Og þá hefst næsta vers í drama
• Þorsteinn H. Gunnarsson: ,,Buldi við brestur og brotnaði þekja"
• Viggó Jörgensson: Mjög vægur dómur og sýnir sáttfýsi Íslendinga.
• Axel Jóhann Hallgrímsson: Sýndardómur?