Jákvæðari gagnvart ESB og evru

Íslendingar eru jákvæðari gagnvart Evrópusambandinu en áður. Enn telja þó flestir að hagsmunum Íslands sé betur borgið utan sambandsins. Þetta kemur fram í nýrri Eurobarometer-könnun sem framkvæmd er fyrir ESB.

Könnunin er gerð fyrir framkvæmdastjórn Evrópusambandsins en slíkar kannanir eru gerðar tvisvar á ári.

Fleiri en áður segja nú að Evrópusambandsaðild væri jákvæð eða 28% svarenda en aðeins 19% voru þeirrar skoðunar í maí á síðasta ári. Þá töldu 38% að aðild væri Íslandi til hagsbóta og er það tæplega 10% aukning.

Þá eru mun færri sem segja aðildina vera neikvæða, 34% nú miðað við 45% í maí. Þeim sem segja að aðild myndi skaða hagsmuni Íslands fækkar einnig verulega en eftir sem áður er rétt tæpur helmingur þeirrar skoðunar eða 48%  

Tveir af hverjum þremur Íslendingum eru fylgjandi evrunni sem gjaldmiðli og hefur þeim fjölgað um 15% frá því í síðustu könnun.

• 4 blogg um fréttina

Bloggað um fréttina

• Björn Birgisson: Krónan dauðadæmd?
• Páll Vilhjálmsson: Svartsýni eykur fylgið við ESB-aðild
• Jón Ingi Cæsarsson: Þörf á vitrænni umræðu.
• Jóhann Elíasson: HVERNIG HAFA ÞESSAR TÖLUR VERIÐ FENGNAR??????????????