818 hundar á hundasýningu

818 hreinræktaðir hundar af 82 hundategundum verða dæmdir á alþjóðlegri hundasýningu Hundaræktarfélags Íslands sem fer fram í Reiðhöllinni í Víðidal um helgina.  Megintilgangur hundasýninga er að meta hundana út frá ræktunarmarkmiði hvers kyns og leiðbeina ræktendum þannig í starfi sínu.

Sex dómarar frá sex löndum, Danmörku, Finnlandi,  Írlandi, Lettlandi, Portúgal og Þýskalandi dæma í sex sýningarhringjum samtímis.  Úrslit  báða dagana hefjast upp úr kl.13:30 og þá kemur  í ljós hvaða hundar bera af að mati dómara.  Í anddyri reiðhallarinnar verða glæsilegir kynningarbásar um ólík hundakyn.

Þar gefst gestum og gangandi kostur á að kynnast hundum og ræða við hundeigendur auk þess sem á staðnum verða fjöldinn allur af sölu- og kynningarbásum þar sem ýmis tilboð verða í gangi.

Áhrifin af hundaáhuganum gætir víða. mbl.is/Ómar

• 1 blogg um fréttina

Bloggað um fréttina

• Sigurður Haraldsson: Mjög sérstakt.