Hyggst svipta sorpbrennsluna í Eyjum starfsleyfi

Umhverfisstofnun hefur sent Vestmannaeyjabæ bréf um áform stofnunarinnar um að svipta sorpbrennslu bæjarins starfsleyfi.

Fram kemur að í mars 2010 sendi Umhverfisstofnun Vestmannaeyjabæ bréf um áminningu þar sem losun á ryki í útblásturslofti hefði ítrekað verið yfir mörkum og var þess krafist að úrbætur yrðu gerðar innan ákveðins frests.

Í maí 2010 hefði bærinn verið áminntur og þess krafist að nýjar mælingar yrðu gerðar. Niðurstöður þeirra mælinga sýndu að losun ryks frá stöðinni var yfir mörkum.