Stjórnarflokkarnir ná ekki meirihluta

Ríkisstjórnarflokkarnir tveir myndu ekki fá meirihluta þingmanna ef kosið yrði nú samkvæmt könnun, sem Fréttablaðið og Stöð 2 hafa gert.

Samfylkingin fengi 26% atkvæða, samkvæmt könnuninni, og VG 15,7%. Samanlagt fengju flokkarnir tveir 41,7% atkvæða og 27 þingmann, að sögn Fréttablaðsins.

Sjálfstæðisflokkurinn fengi 41,2% og 28 þingmenn samkvæmt könnuninni. Stuðningur við Framsóknarflokkinn mælist 11,7%  og Hreyfingin fengi 3,6% fylgi. 

Hringt var í 800 manns miðvikudaginn 23. febrúar og fimmtudaginn 24. febrúar. Þátttakendur voru valdir með slembiúrtaki úr þjóðskrá og svarendur skiptust jafnt eftir kyni og hlutfallslega eftir búsetu og aldri.  Aðeins ríflega helmingur þeirra sem þátt tóku í könnuninni gaf upp stuðning við einhverja af stjórnmálaflokkunum. Alls sögðust 22% ekki myndu kjósa ef gengið yrði til kosninga nú  eða að þau myndu mæta á kjörstað og skila auðu.

• 6 blogg um fréttina

Bloggað um fréttina

• Sigurður Jónsson: Samfylkingin fær ótrúlega mikið fylgi.
• Haraldur Haraldsson: Stjórnarflokkarnir ná ekki meirihluta/það hefur lengi verið vitað,en á eftir …
• Hjörleifur Harðarson: bíddu sagði ekki könnunn fréttablaðisins í gær eða fyrradag annað
• Páll Vilhjálmsson: Stærsti kjósendahópurinn er án flokks
• Magnús Sigurðsson: Haugalygi.
• Hörður B Hjartarson: Alvarlegur skortur á dómgreind