Sveitarfélög sýna fangelsi áhuga

Sveitarfélög utan höfuðborgarsvæðisins eru nú þegar farin að undirbúa sig fyrir útboð á byggingu nýs fangelsis.

Bæjarráð sveitarfélaganna Garðs, Sandgerðis og Reykjanesbæjar hafa hvert um sig samþykkt að efna til samstarfs sveitarfélaganna vegna útboðsins. Kadeco (Þróunarfélag Keflavíkurflugvallar) mun leiða vinnuna og er verkefnið hluti af Ásbrú norður. Undirbúningshópur, sem í sitja bæjarstjórar sveitarfélaganna ásamt framkvæmda- og verkefnastjóra Ásbrúar norður, hefur þegar hist.

Sveitarfélagið Árborg vill stuðla að frekari uppbyggingu fangelsisins á Litla-Hrauni. Bæjarráð Árborgar fól framkvæmdastjóra sveitarfélagsins 13. janúr sl. að rita innanríkisráðherra bréf „þar sem minnt er á fyrri viðræður milli sveitarfélagsins og ráðuneytisins og fyrirheit um samráð um forsendur fyrir uppbyggingu fangelsis“.