Forsetinn á fréttastöð páfa

Boðið er upp á stutt myndskeið af heimsókn herra Ólafs Ragnars Grímssonar, forseta Íslands, á vefsvæði Páfagarðs. Er þar haft eftir forsetanum að kaþólikkar gegni vaxandi hlutverki í íslensku þjóðlífi og menningu, enda hafi þeim fjölgað mikið á síðustu tveimur áratugum.

„Á síðustu 20 árum höfum við upplifað umtalsverðan aðflutning fólks frá Póllandi og Filippseyjum og mörgum öðrum kaþólskum löndum. Því er kaþólska samfélagið tífalt stærra en það var fyrir 20 árum og það gegnir orðið mjög mikilvægu hlutverki í samfélagi okkar, okkar þjóðfélagi,“ sagði forsetinn í lauslegri þýðingu.

Myndskeiðið er stutt, rétt tæpar tvær mínútur, en það má nálgast hér.

• 5 blogg um fréttina

Bloggað um fréttina

• Magnús Sigurðsson: Icesave er verkfæri djöfulsins.
• Haukur Gunnarsson: Finnst þetta hallærislegt.
• Magnús Helgi Björgvinsson: Getur einhver skýrt fyrir mér eftirfarandi:
• Haraldur Haraldsson: Forsetinn á fréttastöð páfa/Virðuleg athöfn ,og ágæt landkyning fyrir okkur!!!
• Valgeir Hallvarðsson: Forseti Íslands færir Páfa styttu.