Vissi ekki um innlánaþak

Regluvörður Landsbankans hafði haustið 2008 ekki upplýsingar um, að breska fjármálaeftirlitið vildi setja 5 millljarða punda innlánaþak á heildarinnlán á Icesave-reikningum Landsbankans í Bretlandi. 

Þetta kom fram  í Héraðsdómi Reykjavíkur í dag þegar tekin var skýrsla  af Þórði Örlygssyni, sem var regluvörður Landsbankans á þessum tíma. Hann sagðist fyrst hafa heyrt af þessum kröfum breska fjármálaeftirlitsins í fjölmiðlum nýlega.

Þórður sagði aðspurður, að það hefði ekki verið talið að yfirfærsla Icesave-reikninganna í dótturfélag í Bretlandi, sem rætt var um á þessum tíma, myndi hafa áhrif og vöxt og tekjustraumi bankans. Ekki hefði verið búinn til sérstakur innherjalisti vegna þessa máls.

• 1 blogg um fréttina

Bloggað um fréttina

• Sigurður Haraldsson: Ekki benda á mig.