Ætla að flytja út jólatré

Fulltrúafundur skógræktarfélaganna var haldinn á laugardag sl. í Mosfellsbæ.

Á fundinum kom það m.a. fram að skógræktarfélögin hyggist leggja aukna áherslu á ræktun jólatrjáa fyrir íslenskan markað en telji einnig raunhæft að framleiða hér á landi jólatré og greinar fyrir erlendan markað.

Framboð á innlendum jólatrjám muni stóraukast þegar á þessu ári og upp frá því verði ekki þörf fyrir eins mikinn innflutning eins og verið hefur. Með því að velja jólatré sem ræktuð séu hérlendis sparist líka gjaldeyrir.